Ota-onalar farzandi uchun eng to‘g‘ri maktabni tanlashda avvalo o‘z ko‘zi bilan ko‘rish, sharoitni baholashni xohlashadi. Shu sababli, ilk bosqichda sizni maktabimizga tashrif buyurishga taklif qilamiz. Bu tashrif davomida siz maktab muhiti, infratuzilmasi va imkoniyatlari bilan tanishasiz.

Tashrif davomida maktabimizning ta’lim konsepsiyasi, o‘quv dasturlari, pedagogik yondashuvlari, darsdan tashqari mashg‘ulotlar va rivojlantiruvchi kurslar haqida batafsil ma’lumot beriladi. Bu bosqichda siz farzandingizning ehtiyojlariga mos ta’lim muhitini anglab yetishingizga yordam beramiz.

Bu bosqichda biz siz bilan yaqinroq tanishamiz: farzandingizning qiziqishlari, o‘quvga yondashuvi, oilaviy qadriyatlaringiz haqida suhbatlashamiz. Bu maktab-oila hamkorligining mustahkam asosi bo‘lib xizmat qiladi.

Farzandingiz maktab hayotiga qanday moslashadi? Ijtimoiy va emotsional rivojlanish darajasi qanday? Tajribali psixologimiz shu kabi savollarga javob topish maqsadida bolaning shaxsiy xususiyatlarini yumshoq va do‘stona suhbat orqali baholaydi.

Farzandingizning hozirgi bilim darajasini aniqlash maqsadida o‘qish, yozish, mantiqiy fikrlash va matematika fanlari bo‘yicha qisqacha diagnostika sinovlari o‘tkaziladi. Bu natijalar asosida bola uchun individual o‘quv yondashuvi ishlab chiqiladi.

Yuqoridagi barcha bosqichlar muvaffaqiyatli yakunlangach, farzandingiz maktabga rasman qabul qilinadi. Keyingi qadamda shartnoma imzolanadi va sizga maktabga tayyorgarlik bo‘yicha tavsiyalar beriladi.